വളവന്നൂർ പാറങ്ങോട്ടുചോല മഹാശിവക്ഷേത്രത്തിലേക്കുള്ള ധ്വജസ്തംഭ ഘോഷയാത്ര നാളെ

കൽപകഞ്ചേരി: വളവന്നൂർ പാറങ്ങോട്ടുചോല മഹാശിവക്ഷേത്രത്തിലേക്കുള്ള ധ്വജസ്തഭം (കൊടി മരം) ഘോഷയാത്ര നാളെ ഞായർ ഉച്ചയ്ക്ക് രണ്ടുമണിക്ക് കാവുംപടി ഐവന്ത്രൻ പരദേവത ക്ഷേത്ര പരിസരത്ത് നിന്ന് പുറപ്പെടും. കർണാടകയിലെ ദേവനഹള്ളിയിൽ നിന്നും 35 അടി ഉയരത്തിൽ ഒറ്റ കരിങ്കല്ലിൽ തീർത്തതാണ് ധ്വജസ്തംഭം. ഗജവീരന്മാരും പാണ്ടിമേളം പഞ്ചാരിമേളം താലമേന്തിയ നൂറുകണക്കിന് അമ്മമാരും ഘോഷയാത്രയിൽ അണിനിരക്കും.