വളവന്നൂർ പാറങ്ങോട്ടുചോല ശിവക്ഷേത്രത്തില പുനഃപ്രതിഷ്ഠാ മഹോത്സവത്തിന് തുടക്കം

കൽപകഞ്ചേരി: പുനരുദ്ധാരണ പ്രവർത്തികൾ പൂർത്തീകരിച്ച വളവന്നൂർ ശ്രീ പാറങ്ങോട്ടുചോല ശിവക്ഷേത്രത്തിലെ പുനപ്രതിഷ്ഠാ അഷ്ടബന്ധ ബ്രഹ്മകലശ മഹോത്സവത്തിന് തുടക്കമായി.
വളവന്നൂർ അല്ലോട്ട് ശ്രീ ദുർഗ്ഗാദേവി ക്ഷേത്രത്തിൽ നിന്നും മൂന്ന് ഗജവീരന്മാർ വാദ്യ മേളങ്ങൾ എന്നിവയുടെ അകമ്പടിയോടെ നടന്ന വിഗ്രഹ, കലവറ ഘോഷയാത്രയിൽ നൂറുകണക്കിന് ഭക്തർ അണിനിരന്നു.
ഞായറാഴ്ച നടന്ന സാംസ്കാരിക സമ്മേളനത്തിൽ രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖർ പങ്കെടുത്തു. വൈകിട്ട് 7 ന് കലാമണ്ഡലം നന്ദകുമാർ അവതരിപ്പിക്കുന്ന ഓട്ടം തുള്ളലും അരങ്ങേറി. 22, 23 ദിവസങ്ങളിൽ വൈകിട്ട് 7 മണിമുതൽ നൃത്ത നൃത്യങ്ങൾ, തിരുവാതിര കളി എന്നിവയും, 26 ന് രാവിലെ 10 മണിക്ക് പ്രമോദ് ഐക്കരപ്പടി ഭക്തി പ്രഭാഷണം നടത്തും. വൈകിട്ട് 7 മണിക്ക് കോഴിക്കോട് പ്രശാന്ത് വർമ്മ നയിക്കുന്ന ഭജൻസ് (മാനസ ജപലഹരി) അരങ്ങേറും. ക്ഷേത്രം മാർഗ്ഗദർശി എൻ.എൻ രാജീവ്ജി അഗസ്ത്യമല, ക്ഷേത്രം തന്ത്രി പുതുമന ശങ്കര നമ്പൂതിരി, പുതുമന മധുസൂദനൻ തുടങ്ങിയവർ ചടങ്ങുകൾക്ക് കാർമികത്വം വഹിക്കും.
28 ന് മഹോത്സവം സമാപിക്കും.