സിൽവറി നുസ്റത്: ജാമിഅ നുസ്റത് ഇരുപത്തഞ്ചാം വാർഷിക സമ്മേളനം ഫെബ്രുവരിയിൽ

പുത്തനത്താണി: രണ്ടത്താണി ജാമിഅഃ നുസ്റത് ഇരുപത്തഞ്ചാം വാർഷിക സമ്മേളനം സിൽവറി നുസ്റത് എന്ന പേരിൽ 2025 ഫെബ്രുവരി 6, 7, 8, 9 തിയതികളിലായി നടക്കും. ശനിയാഴ്ച നുസ്റതിൽ വെച്ച് നടന്ന ‘സിൽവിൻട്രോയിൽ ‘ കേരള മുസ് ലിം ജമാഅത്ത് ജനറൽ സെക്രട്ടറി സയ്യിദ് ഇബ്റാഹിമുൽ ഖലീലുൽ ബുഖാരി ലോഞ്ചിം​ഗ് നർവഹിച്ചു. “അറിവ് മനസ്സിനോടും മനുഷ്യനോടും ” എന്ന പ്രമേയത്തിൽ അറിവ്, ആധ്യാത്മികത, പ്രബോധനം എന്നിവ ചർച്ച ചെയ്യാനാണ് സമ്മേളന കാലത്തെ ഇടപെടലുകളിൽ ഊന്നൽ നൽകുകയെന്ന് പ്രമേയ പ്രഭാഷണത്തിൽ നുസ്റത് ഡയറക്ടർ‍ ഡോ ഫൈസൽ അഹ്സനി പറഞ്ഞു.  കേരളത്തിനകത്തും പുറത്തുമായി 25 ​ഗ്രാമങ്ങളെ ഏറ്റെടുക്കൽ, അക്കാദമിക് സെമിനാർ, ഖുർആൻ ഗാല,  ഓപൺ ഡിബേറ്റ്, പ്രവാസി സംഗമം, ഗവ.ഓഫീഷ്യൽസ് മീറ്റ്, ഖുർആൻ എക്സ്പോ,  മെഡിക്കൽ ക്യാമ്പ്, ലഹരി വിരുദ്ധ ക്യാമ്പ്,  കരിയർ ​ഗൈഡൻസ് പ്രോ​ഗ്രാമുകൾ, നാട്ടു ദർസ്, വ്യത്യസ്ത മേഖലകളിലുള്ളവരെ ലക്ഷ്യമാക്കിയുള്ള ഹൃസ്വകാല കോഴ്സുകൾ, അതിഥി തൊഴിലാളി സം​ഗമങ്ങൾ, കർഷകരെ ആദരിക്കൽ തുടങ്ങി ഇരുപത്തഞ്ചിലധികം കർമ പദ്ധതികളാണ് സമ്മേളനത്തിന്റെ ഭാ​ഗമായി നടക്കുക.