വീടിന്റെ മുന്നിൽവെച്ച് സ്കൂൾ വാൻ ഇടിച്ച് 3 മൂന്നു വയസ്സുകാരന് ദാരുണാന്ത്യം

കൊടുവള്ളി: വീടിന്റെ മുന്നിൽവെച്ച്  സ്കൂൾ വാൻ ഇടിച്ച് 3 മൂന്നു വയസ്സുകാരന് ദാരുണാന്ത്യം. മാനിപുരം കളരാന്തിരി മാതാംവീട്ടിൽ ചാൽപ്പോയിൽ മുനീറിൻ്റെ മകൻ ഉവൈസ് ആണ് മരിച്ചത്. ചൊവ്വാഴ്ച വൈകുന്നേരം സ്വന്തംവീടിൻ്റെ മുൻപിൽവെച്ച് ആണ് അപകടം. യു.കെ.ജിയിൽ പഠിക്കുന്ന സഹോദരിയെ കൂട്ടാനായി സ്വകാര്യ സ്കൂൾ വാഹനത്തിന് അടുത്തേക്ക് പോയ അവസരത്തിലാണ് അപകടം. സഹോദരിയെ സ്കൂ‌ൾ വാഹനത്തിൽ നിന്നും ഇറക്കി മാതാവ് ഡോർ അടക്കുന്ന അവസരത്തിൽ കൈവിട്ടു പോയ കുട്ടി വാനിനു മുന്നിൽ പ്പെടുകയായിരുന്നു. പിതാവ് രണ്ടു ദിവസം മുമ്പ് വിദേശത്തേക്ക് പോയിരുന്നു.