തെന്നലയിൽ ഏഴ് വയസുകാരന് നേരെ പാഞ്ഞടുത്ത് തെരുവ് നായ കൂട്ടം: കുട്ടി രക്ഷപ്പെട്ടത് തലനാരിഴക്ക്

താനൂർ: തെന്നലയിൽ ഏഴ് വയസുകാരന് നേരെ പാഞ്ഞടുത്ത് തെരുവ് നായ കൂട്ടം: കുട്ടി രക്ഷപ്പെട്ടത് തലനാരിഴക്ക്. തെന്നല അറക്കലിൽ ആണ് സംഭവം. അറക്കൽ സ്വദേശി സിദ്ധിക്കിന്റെ മകൻ മുഹമ്മദ് ആശിറിനെയാണ് നായക്കൂട്ടം ആക്രമിക്കാൻ ശ്രമിച്ചത്. അയൽവാസിയുടെ വീട്ടിലേക്ക് പോകുന്നതിനിടെയാണ് വീടിന്റെ കാർ പോർച്ചിലിരുന്ന നായ്ക്കൾ കുട്ടിക്ക് നേരെ പാഞ്ഞടുത്തത്. ഇതോടെ ഭയന്ന് നിലവിളിച്ചോടിയ കുട്ടി അടുക്കള ഭാഗത്തേക്കാണ് ഓടിക്കയറിയത്. അവിടെയുണ്ടായിരുന്ന സ്ത്രീകൾ ബഹളംവച്ചതോടെ നായ്ക്കൾ പിന്തിരിയുകയായിരുന്നു.